Voyaga yetmaganlarga nisbatan uyatsiz harakatlar uchun jazo kuchaytiriladi

Loyihaga koʻra, 16 yoshga toʻlmagan shaxslarga nisbatan telekommunikatsiya tarmoqlari yoki internet orqali uyatsiz harakatlar qilganlik uchun javobgarlik kuchaytiriladi. Shuningdek, bolalar tasvirlangan pornografik mahsulotlarni saqlash ham jinoyat sifatida belgilanmoqda.

Maʼlumotlarga koʻra, 2025 yilning 8 oyida voyaga yetmaganlarga nisbatan uyatsiz-buzuq harakatlar sodir etish holatlari 36 foizga oshgan.

Deputatlar qonun loyihasining qabul qilinishi bolalarni jinsiy zoʻravonlik va savdodan himoya qilish, shu turdagi jinoyatlar uchun mutanosib jazo tayinlashga xizmat qilishini taʼkidladilar.

Xususan, voyaga yetmaganlar jabrlanuvchi yoki guvoh sifatida soʻroq qilinganda bu jarayonning davomiyligi 1 kun etib belgilanishi, shuningdek, ular bilan birga javobgar shaxslar ham ishtirok etishi mumkinligi nazarda tutilmoqda.

Muhokamalar yakunida qonun loyihasi yuzasidan tegishli qarorlar qabul qilindi.