Xorazmda 1,6 mlrd soʻmlik noqonuniy tamaki mahsulotlari aniqlandi

Bosh prokuratura huzuridagi Departamentning Yangiariq tumani boʻlimi tomonidan oʻtkazilgan tezkor tadbirda “H.P.” MChJ doʻkoni sotuvchisi xaridorga xorijda ishlab chiqarilgan 3 dona elektron tamaki mahsulotini 800 ming soʻmga sotish vaqtida ushlangan.

Tekshiruvlar davomida Urganch shahrining “Islomobod” mahallasidagi xonadondan tegishli hujjatlari boʻlmagan 32 turdagi jami 8 405 dona elektron tamaki vositalari, shu jumladan nikotinli yostiqchalar va nikotinli suyuqliklar ashyoviy dalil sifatida musodara qilingan.

Mazkur holat yuzasidan Jinoyat kodeksining 186-1-moddasi (etil spirti, alkogolli mahsulot va tamaki mahsulotini qonunga xilof ravishda muomalaga kiritish yoki ishlab chiqarish) boʻyicha jinoyat ishi qoʻzgʻatilib, tergov harakatlari olib borilmoqda.