#BAA

Avvalroq, ijtimoiy tarmoqlarda Oʻzbekiston fuqarolarini birlashgan Arab Amirligi (BAA) kirishi taqiqlangani haqida xabar tarqalgan edi. Tashqi ishlar vaziri matbuot kotibi Ahror Burhonov bu xabarlarni asossiz va feyk deb atadi. Bu haqda u oʻzining Telegram kanalida maʼlum qildi.

Joriy yilning 30 noyabr kuni Toshkent – Abu-Dabi yoʻnalishi boʻyicha Wizz Air aviaqatnovi orqali uchib ketgan Oʻzbekiston fuqarolari nomaʼlum sabablarga koʻra amirlikka kiritilmadi. Oradan biroz muddat oʻtib, Oʻzbekistonning Abu-Dabidagi elchixonasi va Dubaydagi Bosh konsulxonasi vaziyatni nazoratga olganini bildirdi. Ammo oradan uch kun oʻtsa ham oʻzbekistonliklar nimaga BAAga kiritilmagani toʻgʻrisidagi maʼlumotlar yopiqligicha qolmoqda. Xoʻsh, oʻzi shu vaqt oraligʻida nimalar ochiqlandiyu, nimalar sir tutilmoqda?