Kecha, 29 may kuni AQSh prezidenti Donalʼd Tramp maʼmuriyati Isroil va Hamas oʻrtasida oʻt ochishni toʻxtatish boʻyicha ikki tomonga ham taklif bergan. Isoril hukumati AQSh taklifini qabul qilgan, Bosh vazir Binʼyamin Netanʼyaxu taklifga imzo chekkan, biroq Hamas bu taklifni hali muhokama qilmoqda. Bu taklifning shartlari hali keng ommaga maʼlum emas. Hamas harakati rasmiysining aytishicha, AQSh taklifi Gʻazodagi genotsid va ocharchilikni davom ettirishga qaratilgan. Bu haqda "Al Jazeera" nashri maʼlum qildi.
