Mustaqillik haqida oʻylaganda, yodimga zanjirga oʻrgangan fil haqidagi rivoyat tushadi. Eshitgandirsiz? Yuz yil zanjirga bandi qilingan fil qoziq atrofida aylanib yurar ekan. Oxiri zanjir zanglab, chirib, uzilib ketibdi hamki, fil shu qoziq atrofida aylanib yuraverar emish. U zanjir bir kuni uzilishini tasavvur ham etolmas ekan. Yashirib nima qildik – bizning qoʻlimiz yechilgani yoʻq, tilimiz yechildi, xolos. Qoʻlimiz yechilganda ham dilimiz zanjirda qolaveradi hali.
