"Meni Qunduzda "taqinchoqlar kontrabandasi"ga urinishda ayblab hibsga olishdi, hozir meni Kobulga, razvedka boshqarmasiga olib ketishmoqda. Umid qilamanki, bu yerda ish faqat soʻroq va taqinchoqlar hujjatini rasmiylashtirish bilan yakunlanadi. Smartfonni vaqti-vaqti bilan olishimga ruxsat berishyapti", — deb yozgan olim.

"Ostorojno, novosti" Telegram-kanalining yozishicha, Kaverin 20 iyul tongiga qadar Kobulga yetib borishi kerak edi, ammo hozirgacha u bilan aloqa oʻrnatilmagan. Uning tanishlari Kaverinning jinoyatga aloqasi yoʻqligiga ishonch bildirmoqda, unga qarshi dalil sifatida taqdim etilgan buyumlar esa faqat doʻstlari va obunachilariga olib ketmoqchi boʻlgan oddiy suvenirlar boʻlgan.

Hibsga olinishi arafasida, taxminan bir hafta oldin, u Telegram-kanalida Kobuldagi "Gholghola Gallery"dan suratlar bilan post joylagan edi — suratlarda sanʼat buyumlari, taqinchoqlar va idish-tovoqlar aks etgan. Kaverin ulardan "nimadir olib kelishni" taklif qilgan. 18 iyul kuni u Kobuldan Qunduzga yoʻl olgan.

Kaverin "Tolibon" hokimiyat tepasiga kelishidan avval ham, keyin ham Afgʻonistonga bir necha bor borgan. U 2020 yilda Lenta.ru nashriga bergan intervyusida Rossiya Gumanitar fanlar universitetida Afgʻonistonga xos anʼanaviy bosh kiyim — pakol haqida dissertatsiya yozayotgani, shuningdek, Afgʻonistonda rus tilidan dars berishni orzu qilayotgani haqida soʻzlagan — bu orqali u mamlakatda koʻproq vaqt oʻtkazishni xohlashini bildirgan.

Eslatib oʻtamiz, joriy yilning 4 iyul kuni Rossiya Federatsiyasi dunyoda birinchilardan boʻlib, Afgʻonistondagi Tolibon hukumatini, yaʼni Afgʻoniston Islom amirligini tan olgan haqida xabar bergan edik.

#Toliblar

Toliblar rossiyalik etnografni hibsga oldi