Oʻzbekiston tashqi siyosatida Markaziy va Janubiy Osiyo mintaqalarini Afgʻoniston orqali oʻzaro bogʻlash strategiyasini ustuvor ahamiyat kasb etishi Transafgʻon transport koridori, ayniqsa, “Termiz-Mozori Sharif-Kobul-Peshovar” temiryoʻlini barpo etish jarayonlarini atroflicha tahlil qilish va bu boradagi mavjud muammolarni chuqur oʻrganishni taqozo etadi. “Asr loyihasi” boʻlishi kutilayotgan mazkur temiryoʻl “Kobul yoʻlagi" deb ham nomlanadi. Eʼtiborli jihati, joriy yilning 17 iyul kuni ushbu temiryoʻl uchun yana bir muhim “qadam” qoʻyildi.
