Bayerga maktub
Bayer sen 1904- yilda tugʻilding. Tugʻilganda ham futbollga oshno boʻlgan, unga millionlab muxlislar sanʼat darajasida qaraydigan yurt, Germaniyada dunyoga kelding. Bayer koʻpchilik jamoalardan yoshsan. Buni albatta taʼsiri bor. Sendan 4 yil oldin tugʻilgan Bavariya deya atalmish akang Germaniya futboli inqilobi boʻlib dunyoga keldi. Ammo sen hecham xavotir olma. Sen uchun hammasi oldinda. Koʻpgina chempionatlarda tengqurlaring, hattoki, sendan kichiklari ham chempionlik kubogini bir necha marotaba qoʻlga kiritdi. Hattoki, sendan yarim asr keyin futboll olamiga kirgan PSG klubi ham bu oʻrinda ancha oldinda. Sen oʻylama, Bundesliga va Liga 1 oʻrtasida ancha farq bor. PSG Liga 1da zeriksa chempion boʻladi , u Fransiyada yakka hukumron. Sen esa Bavariya, Barrusia Dortmund kabi klublar bilan bir chempionatda oʻynaganing chempionlikka asosiy toʻsiq boʻlib keldi, lekin bu sening oʻsishingda juda muhim ahamiyatga ega boʻldi. Oʻylama hali shunday natija qayd etasanki, Bavariya va Barussia klublarining oʻtgazgan mavsumi sening birgina mavsuming oldida holva boʻladi. Ishonaver buni men aytayapman. Sen esa meni diqqat bilan tinglab bor. Bayer Yevropada sezilarli natijalar qayd etding. Chempionlar ligasi finallarigacha bording. Finalda oʻynaganingda, oʻsha mana man degan PSGga ham bu lahzalar yot edi. Eʼtibor berma hali ulgʻayishing kerak. Germaniyada liga va kubok oʻyinlarida yaxshi ishtirok etding, hattoki, gʻalabaga bir qadam qolgan edi. Yoshliging pand berib, sendanda kuchli va katta boʻlgan oʻgay akang Bavariyaga kubokni, oʻzing qoʻsh-qoʻllab topshirding. Oʻshanda butun Leverkusen koʻz yosh toʻkkan edi, ammo sen oʻylama. Bu futboll, unda hamma narsa boʻladi. Senga bu taʼsir qildimi? Bilmadim! Ancha vaqt voqealar rivojidan chetta qolib ketding. Adashgan oʻgʻilning qaytishi rolida govdalanib futbollda "furvort" koʻtarishingni barcha kutdi, shuningdek, biz ham. Lekin qaytishga qaytding-u , nima uchun ketganingni tushunib yetmasdan kelding. Mayli, bunaqa holatlarga hali koʻp yuzlanasan. Seni bir qancha murabbiylar qabul qildi, sen bilan birga boʻldi, lekin sen kutgan natijani bera olishmadi. Bayer sen aqllisan. Barchasiga sabr qilib, oʻz qahramoningni kutasan. Oʻsha sen kutgan vaqtlar yaqinlashdi. 2022-yilda seni bir murabbiy qarshi oladi. Bu Germaniya futboli, unga ancha tanish boʻlgan Germaniya klublarini oʻzi oʻynagan klubi bilan zir titratgan Xabi Alonso edi. U faoliyat yuritgan klubni oʻzing bilasan. Xabi Alonso kelib jamoada tub burilish yasaydi. Bilmadim yangi boshlangan faoliyat bilan butun boshli rahbariyatni oʻziga boʻysundirib , unga qarshi chiqqanlarni isteʼfoga chiqarish uchun yosh murabbiy qayerdan kuch olgan. Muhimi uning natijasi. Xabi bir yil kutdi. Jamoani shakillantirishga shuni oʻzi yetdi. U koʻrsatdiki bir jamoani shakillantirish uchun uzoq yillar shart emas. Tizim yaxshi boʻlsa boʻldi. Manchester City murabiyi Pep Gvardiola ham oʻrnak olsa arziydi. Hademay sen Xabi Alonso bilan birgalikda yangi mavsumni boshlaysan. Ishon sen endi shakillanyapsan. Chempionlik bu murabbiy boshchiligida tushinga ham kirmagan. Balki kirgandir. Endi u oʻz nomi bilan tush. Mavsum boshlandi. Birin ketin gʻalabalarni qoʻlga kiritasan. Uzoq muddat jadval yuqorisidagi oʻrningni hech kimga bermaysan. Bilasanmi? Oʻshanda barcha seni barbir bardosh berolmaydi, Bavariya, Barussia hattoki, Leypsigni oʻljasiga aylanadi deya fikr bildirishadi. Ammo vaqt oʻtgani sari sen hammani tilida doston boʻla boshlaysan. Lekin oʻshanda ham, oxirida barbir Bavariya ilib ketadi degan gap soʻzlar, mishmishlar odamlar orasida yuraverdi. Sen esa bularga parvo qilmading va oʻz oʻyiningni koʻrsatishda davom etding. Odamlar nima deydi? Bavariya bilan oʻzaro soʻngi oʻyining oʻtishi oldidan koʻpchilik shu chempionlik oʻyini boʻladi deya taxmin qildi. Aslida ham shunday edi. Chunki ortingdan kelayotgan, qoqilganingda sendan oʻtib ketishi mumkin boʻlgan yagona jamoa bu dahshatli Bavariya edi. Bayer insofsiz ekansan. Oʻyinda Myunxenliklarni oʻz uyida ham ayab oʻtirmading. Boʻldi endi Bayer hech kimga oʻrnini bermaydi derdim oʻzimga. Ammo shunday mutaxasislar bor ediki, haliyam senga ishonmasdi. Sen esa jimgina kulib qoʻyaverding. Sen uchun tarixga muhrlanajak onlar keldi. Bitta oʻyin - sen yutasan va chempionsan. Raqib ham qulay Verder. Aqlli Xabi Alonso nima ish qilayotganini, birozdan soʻng qanday ish qilganini yaxshi tushunardi. Tayyormisan? Shoshma bu kunlarni qancha kutding? 1 asrdan ortiq! Shu davrni bor yoʻgʻi 2 soatga almashasanmi? Yoʻq albatta! Ochigʻi men ham hayajondaman. Seni bu vaziyatingni, holatingni yolgʻiz men va oʻzing tushunasan. Shu oqshom oʻyinga tushding. Seni birinchi yutugʻing agarda gʻolib boʻlsang chempionlikni oʻz muxlislaring qarshisida nishonlaysan. Bu hammaga ham nasib qilmagan. Bilasanmi shu kun hamma narsa senga xizmat qildi. Hattoki raqib Verder ham. Kuchlisan bunga shubham yoʻq. Lekin barbir qiyin edi. Masuliyat, bosim, bardoshning futboldagi oʻrni qay darajada yuqori ekanligini uni hamma ham eplolmasligini narigi tomondagi Liverpull va Arsenal hammaga koʻrsatdi. Sen esa buni uddalading. Verderga goll urding. Aksariyat Liverkusenliklar oʻsha onlardan koʻz yoshlarini toʻxtata olmadi. Inson sezadida barbir. Oʻyinning oxirgi daqiqalari yillarga teng boʻldi. Buni hechkim bilmasa ham oʻzing yaxshi bilasan. Oʻyin yakunlandi. Sen chempion. 118-yillik orzular, tushlar endi roʻyoga aylandi. Bayer sen oddiy chempion boʻlmading. Sen chempionlar havas qiladigan chempionlik yoʻlini bosib oʻtding.
Maktubim soʻngida shuni aytamanki, hali sen bilan koʻp yozishib turamiz. Hozircha xayr!

Temur Suvonov

#bundesliga

Bir asrdan ortiq kutilgan chempionlik onlari: Bayer Bundesliga kubogini qoʻlga kiritdi