#migrantlar

Ularga taklif etilayotgan oylik maosh 475–950 yevroni tashkil etmoqda, ayrim hollarda esa 100 ming rublgacha yetadi. Yashash joyi, ovqat va rus tili kurslari ham taʼminlanmoqda.

Prezident elchilarni rasmiy ish uslubidan voz kechib, xorijda ishlayotgan va oʻqiyotgan fuqarolar oldiga bevosita borib, ularning muammolari bilan joyida shugʻullanishga chaqirdi.

Koʻplab iqtidorli yoshlar kelajakka ishonchsizlik sabab taʼlim va rivojlanish oʻrniga maktab yillarini bekor oʻtkazdi. “Ertaga nima qilaman?” degan savolga esa uzoq vaqt davomida yagona javob sifatida “Rossiyaga ketaman” degan fikr shakllandi.

Tekshiruv davomida 16 nafar noqonuniy migrant qoʻlga olingan. Shuningdek, 37 nafar harbiy hisobda turmagan shaxs OMON tomonidan harbiy komissariatga olib ketilgan.

Rossiya Davlat dumasi xorijlik ishchilar uchun majburiy tibbiy sugʻurta (MTS) polisini rasmiylashtirish talablarini qatʼiylashtiruvchi qonun loyihasini maʼqulladi. Yangi tartibga muvofiq, migrantlar MTS polisini olish uchun Rossiya hududida kamida 5 yillik mehnat stajiga ega boʻlishi shart boʻladi.

Muhojirlarning taksichilik faoliyati bilan shugʻullanishiga taqiq kuchga kirgan kuniyoq shaharda taksi narxlari 30 foizgacha oshgani xabar qilindi. Tahlilchilarga koʻra, bu holat shundoq ham kadrlar yetishmovchiligi bor boʻlgan taksi va kurerlik sohasidagi vaziyatni yanada ogʻirlashtirdi.

3 noyabrdan boshlab Sankt-Peterburgda xorijiy fuqarolarning kurerlik sohasida ishlashiga cheklov qoʻyildi. Qaror asosan patent bilan ishlayotgan Ozarboyjon, Oʻzbekiston, Tojikiston, Moldova va Ukraina fuqarolariga tegishli. Biroq, bu qarorning iqtisodiy natijalari — logistika tizimidagi izdan chiqishlar va yetkazib berish xizmatlarining sekinlashishi — yaqin oylarda oʻzini sezdirishi mumkin.

Rossiya Ichki ishlar vazirligi xorijliklarning mamlakatdan chiqib, keyin qayta kirish orqali migratsiya maqomini yangilash amaliyotiga chek qoʻydi. Endi ularga bolalarni bogʻcha yoki taʼlim muassasalariga joylashtirish, transport vositasini boshqarish va yana bir qator taqiqlar qoʻyildi.

Migratsiya agentligi maʼlumotiga koʻra, ularga har bir oy uchun 2000 AQSh dollari miqdorida jarima qoʻllandi. Reydlar APEC-2025 sammiti arafasida kuchaytirilgan boʻlib, qonunbuzarlarga jarima, deportatsiya va mamlakatga kirish taqiqlari qoʻllanishi mumkin.

Oʻzbekiston fuqarolarining Rossiyadagi bandligi haqida berilgan maʼlumotga koʻra, joriy yil boshidan buyon 106 mingdan ortiq oʻzbekistonlik fuqaro Rossiyada qonuniy tarzda ishga joylashtirilgan.

Aksiya “Xorijda ham millat yuzi boʻlib qolaylik” shiori ostida boʻlib oʻtadi.

Oʻzbekiston Bosh konsulxonasi xodimlari koʻmagida Rossiyaning Tyumen viloyatida mushkul ahvolda qolgan hamyurtlarimizga amaliy yordam koʻrsatildi.