Qayd etilishicha, SSVning "Aholiga psixologik yordam koʻrsatish" toʻgʻrisidagi qonun loyihasi senatorlar tomonidan maʼqullangan. Unga koʻra, aholiga psixologik yordam koʻrsatishda faqat shu soha mutaxassislari haqli boʻlishi kerak.

"Bugun soxta psixologlar koʻpayib ketdi. Ular asosan ijtimoiy tarmoqlar turli jozibador eʼlonlar orqali mijozlar topishga harakat qilmoqda. Biroq oʻz xizmatlarini taklif etayotganlarning hammasi ham professional va malakali mutaxassislar emas", degan qonun muhokamasida Oliy Majlis Senati aʼzosi Xurshid Fozilov.

Shuningdek, Fozilov professional psixologlar faoliyatini takomillashtirish va ularni qoʻllab-quvvatlash kerakligiga toʻxtalib, yuqoridagi qonun ayni shu maqsadda ishlab chiqilganini bildirgan.

Bundan tashqari, qonunda psixologik yordam koʻrsatuvchi subʼektlar sifatida davlat organlarida, boshqa tashkilotlarda ishlovchi psixologlar yoki ushbu sohada xususiy tartibda faoliyat olib boruvchi yuridik shaxslar hamda yakka tartibdagi tadbirkorlar faoliyat yuritishi mumkinligi belgilangan.

Qonunga koʻra, psixologik yordam koʻrsatish faoliyati bilan shugʻullanish huquqiga psixologiya yoʻnalishi boʻyicha oliy maʼlumotga ega boʻlgan shaxslar ega boʻlishi belgilanmoqda. Agar yuqoridagi keltirilgan talabga javob bermaydigan shaxs psixologik yordam koʻrsatsa, unga nisbatan javobgarlik choralari belgilanishi taʼkidlangan.

#qonunchilik

Oliy maʼlumotga ega boʻlmagan soxta psixologlar javobgarlikka tortiladigan boʻldi