Ushbu qarzning qariyb yarmi atigi 10 ta yirik tashkilot hisobiga toʻgʻri kelmoqda.

Davlat soliq xizmati maʼlumotlariga koʻra (2026 yil 1 fevral holatiga), soliq qarzi 100 million soʻmdan yuqori boʻlgan qurilish korxonalari soni 1 808 tani tashkil etadi. Ularning umumiy qarzdorligi 3 trillion 134,4 milliard soʻmga teng.

Eng yirik 10 ta qarzdor korxona zimmasidagi qarz 1,4 trillion soʻmni (46,8%) tashkil qiladi.

Eng katta qarzdor kompaniyalar:

OLTIN TUPROQ MS — 432,3 mlrd soʻm
KO‘PRIKQURILISH — 285,1 mlrd soʻm
DONI BIG GROUP — 217,2 mlrd soʻm

Hududlar kesimida eng yuqori qarzdorlik Toshkent shahri va Toshkent viloyatiga toʻgʻri kelmoqda:

Toshkent shahri — 339 ta korxona, 951,9 mlrd soʻm
Toshkent viloyati — 198 ta korxona, 643,6 mlrd soʻm
Andijon viloyati — 112 ta korxona, 279,4 mlrd soʻm

Shuningdek, Buxoro viloyatida qarzdorlik 156,6 mlrd soʻmni, Navoiy viloyatida esa 95,1 mlrd soʻmni tashkil etgan.

Eng past koʻrsatkich Sirdaryo (38,4 mlrd soʻm) va Namangan (54,1 mlrd soʻm) viloyatlarida qayd etilgan.

Avvalroq Raqobat qoʻmitasi ayrim qurilish kompaniyalari tomonidan tuzilayotgan shartnomalarda turli nayrangbozlik kuzatilgani haqida maʼlum qilgan edi.

#qurilish kompaniyalari

Qurilish sohasida 10 ta yirik korxona 1,4 trln soʻm soliq qarziga ega