Kun.uz nashrining maʼlum qilishicha, Fargʻona viloyati Quva tuman IIB xodimlari uch aka-uka yuritadigan oshxonada muntazam ravishda ovqatlanib, pulini toʻlamay kelgan. Qarzdorlik koʻpayib ketgach, oʻz haqini talab qilgan tadbirkorga xodimlar tomonidan bosim boshlangan. Hatto toʻngʻich aka Abror Sodiqov “ichki ishlar xodimlarining qonuniy talabiga boʻysunmagani” aybi bilan maʼmuriy qamoqqa tiqilgan. “Xodimlar formada kelib, aroq ichib, oyoqda tura olmasdan yiqilgudek boʻlib chiqib ketishadi”, deydi tadbirkor.
