#solovyov

Rossiya axborot maydonida Markaziy Osiyo suverenitetiga nisbatan xavfli signallar koʻpaymoqda: Solovyovning “maxsus harbiy operatsiya” oʻtkazish haqidagi chaqiriqlari va Duginning “milliy davlatlar tugadi” degan bayonoti. Rossiya TIV esa bu chiqishlarni “shaxsiy fikr” sifatida baholamoqda.

Vazirlik matbuot kotibi Mariya Zaxarova mazkur bayonotlarni tanqid qilgan jamoatchilik vakillarini vaziyatni boʻrttirib koʻrsatishda aybladi. 

«Oʻyin tugadi. Biz xalqaro huquqqa ham, xalqaro tartibga ham tupurdik», — rossiyalik teleboshlovchi Vladimir Solovyov Markaziy Osiyoni Rossiyaning navbatdagi «maxsus operatsiya» nuqtasiga aylantirishga chaqirdi.

Rossiyalik teleboshlovchi va Kreml propagandachisi Vladimir Solovyov Rossiyaning «maxsus harbiy operatsiyasi» faqat Ukraina bilan cheklanib qolmasligi, balki Moskva oʻzining «taʼsir zonalari» deb hisoblaydigan boshqa hududlarga — xususan, Armaniston va Markaziy Osiyo mamlakatlariga ham kengayishi mumkinligini ochiq aytdi.