Бухорода беш яшар боғча боласи калтакланди

Айтилишича, воқеа жорий йилнинг 24 июнь куни Бухоро вилояти Олот туманидаги боғчаларнинг бирида содир бўлган. 2019 йилда туғилган тарбияланувчи А.Ю. (ўғил бола) А.С. исмли бола билан уришган. Шу сабабли А.С.нинг отаси Х.Ф. исмли бошқа бир болани юзига уриб, жароҳат етказган. 

“Мазкур ҳолат юзасидан ўтказилган суд-тиббий экспертиза натижаларига кўра, болага енгил даражадаги тан жароҳати етказилганлиги маълум бўлди”, 

дейилади хабарда. 

Ҳозирда ҳолат юзасидан Х.Ф.га Маъмурий жавобгарлик тўғрисидаги кодекснинг 52-моддаси 2-қисми (енгил тан жароҳати етказиш) билан иш қўзғатилиб, ҳужжатлар жиноят ишлари бўйича Олот туман судига юборилган. 

Эслатиб ўтамиз, бундан аввал ҳам Хоразм вилояти Қўшкўпир туманидаги мактабгача таълим муассасасида уч ёшли тарбияланувчи бола калтакланган эди.