Бразилиялик футболчи Родриго узоқ муддатли жароҳат олди

«Реал Мадрид» вингери Ла Лиганинг 26-турида «Хетафе»га қарши учрашувда (0:1) захирадан ўйиннинг 55-дақиқасида майдонга туширилган эди. Бироз вақт ўтиб у оғриқ ҳис қилиб майдонга йиқилди, аммо шунга қарамай учрашувни охиригача давом эттирди.

Кейинчалик «Реал Мадрид» тиббий штаби ўтказган текширувлар натижасида Родригонинг тиззасидаги хочсимон пайи узилгани маълум бўлди. Афсуски, у камида 6 ойдан 10 ойгача бўлган муддат давомида майдонга қайта олмаслиги айтилмоқда.

Катта эҳтимол билан у Бразилия терма жамоасига жаҳон чемпионатида ёрдам бера олмаслиги мумкин. Эслатиб ўтамиз, гуруҳ босқичида Бразилия Марокаш, Гаити ва Шотландия терма жамоаларига қарши баҳс олиб боради.

Футболчига соғлиқ тилаб қоламиз ва унинг тез орада яна яшил майдонга қайтишини кутамиз.