updated: 22.03.2026, 19:47

Бухорода уйда сақланган шер боласи ҳайвонот боғига топширилди

Бухоро вилояти Ромитан туманининг "Қоқиштувон" маҳалласида яшовчи фуқаро ўз хонадонида ёввойи шер боласини ноқонуний равишда сақлаб келаётгани аниқланди. Бу ҳақда вилоят Экология бошқармаси ахборот хизмати маълум қилди.

Ўзбекистон

11.02.2025, 12:00

Lotinchada

Улашиш:

Buxoroda uyda saqlangan sher bolasi hayvonot bogʻiga topshirildi

Қайд этилишича, мазкур ҳолат Бухоро вилояти Экология бошқармаси, туман Ички ишлар бўлими ва Миллий гвардия ходимлари томонидан ўрганилган. Текширув натижасида фуқаро тегишли рухсатномасиз ёввойи асраб келаётгани тасдиқланган.

"Ҳолат юзасидан Ўзбекистон Республикаси Маъмурий жавобгарлик тўғрисидаги кодексининг 92-прим 1-моддаси 1-қисми асосида ҳуқуқбузарга нисбатан маъмурий баённома расмийлаштирилиб, иш суд органларига юборилди. Шер боласи эса вақтинчалик ҳайвонот боғига жойлаштирилди. Суд қарори эълон қилинганидан сўнг қўшимча маълумот тақдим этилади", дейилади бошқарма хабарида.

Маълумот учун, Ўзбекистон Республикаси Вазирлар Маҳкамасининг 2024 йил 5 ноябрдаги 736-сонли қарорига мувофиқ, 2025 йил 1 январдан бошлаб жисмоний шахсларга айрим ёввойи ҳайвонларни ярим эркин шароитда, сунъий яратилган яшаш жойларида ёки тутқунликда сақлаш тақиқланган. Шунингдек, ушбу ҳайвонлардан давлат ва кўчма циркларда (чодирларда) томошалар учун фойдаланиш ҳам ман этилган.

Қарорга биноан, тақиқланган ҳайвонлар фақатгина Экология, атроф-муҳитни муҳофаза қилиш ва иқлим ўзгариши вазирлигининг тегишли рухсатномасига эга юридик шахслар томонидан ҳайвонот боғлари, питомниклар (террариум, океанариум ва бошқалар)да сақланиши мумкин.

Шу билан бирга, Ўзбекистон Республикаси Қизил китобига киритилган ёввойи ва заҳарли ҳайвонлар махсус питомникларда боқилиши лозим.

Ўзбекистон

11.02.2025, 12:00

Улашиш:

#Бухоро #шер #ҳайвонот боғи

мавзуга оид янгиликлар