updated: 22.03.2026, 08:50

Чиқиндидан қарздор истеъмолчилар электр энергиясидан узиб қўйилмайди

Ижтимоий тармоқларда 1 ноябрдан чиқиндидан қарзи бор бўлган фуқаролар тўлиқ электр қувватидан узилиши ҳақида хабарлар тарқалган эди. Мазкур ҳолатга "Ҳудудий электр тармоқлари" АЖ расмий муносабат билдирди.

Ўзбекистон

30.10.2024, 11:06

Lotinchada

Улашиш:

Chiqindidan qarzdor isteʼmolchilar elektr energiyasidan uzib qoʻyilmaydi

Қайд этилишича, Экология, атроф-муҳитни муҳофаза қилиш ва иқлим ўзгариши вазирлиги ҳузуридаги Чиқиндиларни бошқариш ва циркуляр иқтисодиётни ривожлантириш агентлиги томонидан чиқинди ташиш ва олиб кетиш хизматида фойдаланувчиларга қулайлик яратиш мақсадида янги "Тоза Макон-биллинг" дастурий комплекси ишга туширилади. Шу муносабат билан жорий йилнинг 31 октябрь куни соат 23:50 дан 5 ноябрь соат 23:50 гача профилактик ишлар олиб борилади.

Aгентлик томонидан мазкур вақт оралиғида чиқинди хизмати учун барча турдаги тўловларни амалга оширишда ҳамда шахсий ҳисоб рақамдаги мавжуд маълумотларни олиш, абонент тўғрисидаги маълумотларни ўзгартириш, қўшиш ва ўчиришда вақтинчалик техник узилишлар бўлишини ҳақида хабар берилган.

Мазкур хабар ижтимоий тармоқларда нотўғри талқин қилиниши оқибатида кўпгина манбаларда чиқинди хизматидан қарзи бор фуқаролар электр қувватидан ҳам узилиши ҳақида хабарлар тарқалган.

"Аммо Президентининг "Чиқиндиларни бошқариш тизимини такомиллаштириш ва уларнинг экологик вазиятга салбий таъсирини камайтириш бўйича чора-тадбирлар тўғрисида"ги Фармонига асосан истеъмолчининг чиқинди бўйича қарздорликдан огоҳлантирилгандан кейин тўлов қилмаган шахсларнинг электр учун тўловларини қабул қилишни вақтинчалик чеклаш амалиёти жорий этилиши амалиёти бўйича техник ишлар олиб борилмоқда", дейилади хабарда.

Бундан хулоса қилиш мумкинки, чиқиндидан қарздор истеъмолчилар электр қувватидан узилиши ҳақидаги хабарлар асоссиз.

Ўзбекистон

30.10.2024, 11:06

Улашиш:

#электр энергияси #чиқинди

мавзуга оид янгиликлар