Эрдўған билан кўришган Суриянинг янги етакчиси у билан нималарни муҳокама қилди?

Унга кўра, Аҳмад аш-Шара ва Ражаб Тоййиб Эрдўған учрашув давомида Суриянинг иқтисодиёти, қуролли кучларини тиклаш масалаларини ҳамда хавфсизлик муаммоларини муҳокама қилган. 

Учрашувдан кейин бўлиб ўтган қўшма матбуот анжуманида Эрдўған Туркиянинг Сурия бўйича сиёсати ҳар доим унинг ҳудудий яхлитлиги va бирлигини сақлаб қолиш бўлиб келганини таъкидлаган. 

Туркия етакчиси вайрон бўлган Сурия шаҳарларини тиклашга кўмак беришига ваъда бериб, иқтисодий тараққиёт жадаллашиши билан қочқинларнинг ихтиёрий қайтиш жараёни ҳам тезлашишини қайд этган.

"Араб ва Ислом дунёси янги маъмуриятга ҳамда Сурия халқига ушбу жараёнда зарурий моддий va маънавий ёрдам кўрсатиши муҳим", дейди Эрдўған.

Аш-Шаръа эса Туркияга кўрсатилган ёрдам учун миннатдорлик билдириб, Эрдўғанни Сурияга таклиф қилди. 

Турикя 13 йиллик фуқаролар уруши давомида Суриянинг олдинги президенти Башар Асадга қарши чиққан гуруҳларни фаол қўллаб-қувватлаган бўлсада, ҳозирда янги Сурия маъмуриятининг асосий иттифоқчиларидан бири ҳисобланади. 

Бу Сурия янги етакчисининг иккинчи хорижий ташрифидир. Аш-Шаръа бундан икки кун олдин Ар-Риёдга бориб, Саудия Арабистони, валиаҳд шаҳзодаси Муҳаммад бин Салмон билан учрашган эди.