updated: 22.03.2026, 15:13

Сунъий интеллект лойиҳаларига 100 миллион доллар ажратилади

Президентнинг янги қарорига кўра, Тикланиш ва тараққиёт жамғармасидан 2026–2027 йилларда сунъий интеллект лойиҳаларини молиялаштиришга 100 млн доллар йўналтирилади. Шундан 50 млн доллар — давлат ташкилотларига AI технологияларини жорий этиш учун беғараз беришга, 50 млн доллар — “IT Park Ventures” ва “Фондлар фонди” венчур жамғармалари устав капиталига қўшилади.

Фан-технология

31.10.2025, 14:11

Lotinchada

Улашиш:

Сунъий интеллект лойиҳаларига 100 миллион доллар ажратилади

Президентнинг «Сунъий интеллект технологияларига асосланган лойиҳаларни қўллаб-қувватлашга оид қўшимча чора-тадбирлар тўғрисида»ги қарори (ПҚ–320-сон, 2025 йил 30 октябрь) қабул қилинди.

Қарорни қабул қилишдан асосий мақсад — ижтимоий соҳа ва иқтисодиёт тармоқларида сунъий интеллект технологияларига асосланган устувор ва стартап лойиҳаларни молиялаштиришни кенгайтиришдир.

Қарорга мувофиқ:
2026–2027 йилларда стартап лойиҳаларни молиялаштириш учун Тикланиш ва тараққиёт жамғармасидан қўшимча 100 миллион АҚШ доллари ажратилади. Ушбу маблағ қуйидагича тақсимланади:

50 миллион АҚШ доллари — давлат органлари ва ташкилотлари фаолиятига сунъий интеллект технологияларини жорий этиш учун беғараз асосда ажратилади;
50 миллион АҚШ доллари — “Фондлар фонди” ва “IT Park Ventures” венчур жамғармалари устав капиталига Тикланиш ва тараққиёт жамғармаси улуши сифатида киритилади. Бу маблағ сунъий интеллект технологияларига асосланган лойиҳаларни қўллаб-қувватлашга йўналтирилади.

Маблағларни тақсимлаш “Рақамли Ўзбекистон – 2030” стратегиясини амалга ошириш бўйича мувофиқлаштириш комиссияси томонидан амалга оширилади.

Фан-технология

31.10.2025, 14:11

Улашиш:

#қарор #сунъий интеллект

мавзуга оид янгиликлар