Францияда 15 ёшгача бўлган болаларга ижтимоий тармоқлардан фойдаланиш тақиқланиши мумкин

Франция президенти Эммануэл Макрон сешанба куни "France 2" телеканали эфирида чиқиш қилиб, 15 ёшдан кичик болалар учун ижтимоий тармоқлардан фойдаланишни тақиқловчи қонун киритилишини маълум қилди. Унинг айтишича, агар Европа Иттифоқи бу борада умумий қарор қабул қилмаса, миллий миқёсда ушбу тақиқ яқин ойларда жорий этилади. Бу ҳақда BBC хабар қилди.

Жаҳон

11.06.2025, 16:41

Lotinchada

Улашиш:

Fransiyada 15 yoshgacha boʻlgan bolalarga ijtimoiy tarmoqlardan foydalanish taqiqlanishi mumkin

Макроннинг сўзларига кўра, ҳукумат шунингдек, интернет орқали пичоқларни сотиб олишда ҳам ёшни текшириш тизимини жорий қилади. Бу тизим ҳозирда порнографик контентли сайтларда амал қилаётган ёш текшируви билан бир хил бўлади.

"15 ёшли ўсмир энди интернет орқали пичоқ сотиб ололмайди. Бу дегани, биз катта миқёсдаги молиявий санкциялар ва чекловларни жорий қиламиз", — деди Макрон.

Ёшга доир ушбу чекловлар 7 июнь куни кучга кирган порнографик сайтларга нисбатан жорий этилган қоидаларга ўхшаш бўлади.

Президент бу баёнотларни Ногент-сур-Марне шаҳридаги мактабда содир бўлган фожиали воқеани шарҳлар экан айтди.

Воқеа эрталаб мактаб биносига киришда ўқувчиларнинг сумкалари текширилаётган пайтда юз берган. 14 ёшли ўқувчи мактаб ходимасига пичоқли ҳужум қилган. Аёл олган жароҳатлари оқибатида вафот этган. Ҳужумчи ўша ерда қўлга олинган. Ҳибсга олиш чоғида у бир полициячини енгил жароҳатлаган.

Маълумот учун, Австралия (16), Франция (15), Буюк Британия (вояга етмаганлар учун кунлик лимит мавжуд), Белгия (13 ёш, ҳозирда бу ёшни 15 ёшгача кўтариш масаласи кўриб чиқилмоқда), Германия (13-16), Италия (14), Испания (14), Греция (15 ёш қонун лойиҳаси ишлаб чиқилмоқда), АҚШ (расман қонунда йўқ, лекин Фолрида, Огайо штатларида федерал қонун лойиҳаси мавжуд). Мамлакатларида ҳам вояга етмаганлар учун ижтимоий тармоқларда чеклов мавжуд.

Жаҳон

11.06.2025, 16:41

Улашиш:

#Франция #Эммануэл Макрон

мавзуга оид янгиликлар