Францияда НАТОдан чиқиш масаласи кўриб чиқилмоқда

Сиёсатчи ижтимоий тармоқдаги постида Франциянинг АҚШ бошчилигидаги ҳарбий альянс — НАТО фаолиятида иштирок этиши масаласи ҳозир ҳар қачонгидан ҳам долзарб эканини таъкидлади. Унинг сўзларига кўра, резолюция аввало бирлашган қўмондонликдан чиқишни назарда тутади.

Клеманс Гете бу ташаббусга АҚШнинг сўнгги геосиёсий қадамлари туртки бўлганини билдирди. Хусусан, у АҚШ ҳарбийлари Венесуэла президенти Николас Мадурони ўғирлаб кетгани билан боғлиқ ҳолатни эслатиб ўтди.

Шунингдек, вице-раис Вашингтоннинг «Фаластиндаги геноцидга кўрсатаётган ҳарбий ёрдами» ҳамда АҚШ президенти Доналд Трампнинг «Гренландияни қуролли аннексия билан таҳдид қилаётгани»дан норозилигини билдирди.

Эслатиб ўтамиз, аввалроқ Франция президенти Эммануэл Макрон АҚШ халқаро қоидалардан четга чиқаётганини айтган эди. У Доналд Трамп бошчилигидаги Вашингтон ташқи сиёсатини танқид қилиб, АҚШ иттифоқчиларидан узоқлашаётгани ва «қароқчилар маконига» айланиш хавфи остида эканини таъкидлаган.