Fransiyada 15 yoshgacha boʻlgan bolalarga ijtimoiy tarmoqlardan foydalanish taqiqlanishi mumkin

Makronning soʻzlariga koʻra, hukumat shuningdek, internet orqali pichoqlarni sotib olishda ham yoshni tekshirish tizimini joriy qiladi. Bu tizim hozirda pornografik kontentli saytlarda amal qilayotgan yosh tekshiruvi bilan bir xil boʻladi.

"15 yoshli oʻsmir endi internet orqali pichoq sotib ololmaydi. Bu degani, biz katta miqyosdagi moliyaviy sanksiyalar va cheklovlarni joriy qilamiz", — dedi Makron.

Yoshga doir ushbu cheklovlar 7 iyun kuni kuchga kirgan pornografik saytlarga nisbatan joriy etilgan qoidalarga oʻxshash boʻladi.

Prezident bu bayonotlarni Nogent-sur-Marne shahridagi maktabda sodir boʻlgan fojiali voqeani sharhlar ekan aytdi.

Voqea ertalab maktab binosiga kirishda oʻquvchilarning sumkalari tekshirilayotgan paytda yuz bergan. 14 yoshli oʻquvchi maktab xodimasiga pichoqli hujum qilgan. Ayol olgan jarohatlari oqibatida vafot etgan. Hujumchi oʻsha yerda qoʻlga olingan. Hibsga olish chogʻida u bir politsiyachini yengil jarohatlagan.

Maʼlumot uchun, Avstraliya (16), Fransiya (15), Buyuk Britaniya (voyaga yetmaganlar uchun kunlik limit mavjud), Belgiya (13 yosh, hozirda bu yoshni 15 yoshgacha koʻtarish masalasi koʻrib chiqilmoqda), Germaniya (13-16), Italiya (14), Ispaniya (14), Gretsiya (15 yosh qonun loyihasi ishlab chiqilmoqda), AQSh (rasman qonunda yoʻq, lekin Folrida, Ogayo shtatlarida federal qonun loyihasi mavjud). Mamlakatlarida ham voyaga yetmaganlar uchun ijtimoiy tarmoqlarda cheklov mavjud.