Июль ва август ойидан иш ҳақи ва пенсиялар оширилади

Фармонда аҳоли турмуш даражасини ошириш, даромадлар ўсишини таъминлаш ва ижтимоий муҳофаза тизимини мустаҳкамлашга қаратилган аниқ чора-тадбирлар белгилаб қўйилди.

Фармонга кўра, 2025 йил 1 июлдан бошлаб:

Ёшга доир энг кам пенсия миқдори ойига 918 000 сўм;

Ногиронлик пенсияларининг энг кам миқдори — 1 012 000 сўм этиб белгиланади.

Кам таъминланган оилалар учун болалар нафақаси ва моддий ёрдам суммалари қайта кўриб чиқилди:

3 ёшгача бўлган ҳар бир бола учун — 360 000 сўм,

3 ёшдан 18 ёшгача бўлган бола учун — 275 000 сўм,

Иккинчи фарзанд учун қўшимча — 165 000 сўм,

Учинчи ва ундан кейинги ҳар бир фарзанд учун — 110 000 сўм,

Кам таъминланган оилалар учун моддий ёрдам — 420 000 сўм этиб белгиланди.

Шунингдек, 1 августдан бошлаб бюджет ташкилотлари ходимларининг иш ҳақи ва талабалар стипендияси 10 фоизга оширилади. Бу эса давлат муассасаларида меҳнат қилаётган минглаб ходимларнинг даромадларига бевосита ижобий таъсир кўрсатиши кутилмоқда.

Пенсияни ҳисоблашнинг базавий миқдори 1 июлдан бошлаб 471 000 сўм этиб белгиланган.

1 августдан эса:

Меҳнатга ҳақ тўлашнинг энг кам миқдори — 1 271 000 сўм,

Базавий ҳисоблаш миқдори — 412 000 сўм бўлади.

Бу кўрсаткичлар турли давлат хизматлари, жарималар ва бошқа молиявий ҳисоб-китоблар учун асос бўлиб хизмат қилади.

Фраммонинг ижросини таъминлаш учун Бош вазир Абдулла Арипов тайинланган.