Ўзбекистонда иш ҳақи, пенсия, стипендия ва нафақалар оширилади

Фармонга кўра, 2026 йил 1 июлдан бошлаб пенсиялар, нафақалар ҳамда Ижтимоий реестрга киритилган оилаларга тўланадиган болалар нафақаси ва моддий ёрдам миқдорлари 7 фоизга оширилади.

Янги тартибга кўра:

• ёшга доир энг кам пенсия – 983 минг сўм;
• ногиронлик пенсиясининг энг кам миқдори – 1 миллион 83 минг сўм этиб белгиланди.

Шунингдек, Ижтимоий реестрга киритилган оилалар учун болалар нафақаси қуйидаги миқдорларда тўланади:

• 3 ёшгача бўлган бир нафар бола учун – 386 минг сўм;
• 3 ёшдан 18 ёшгача бўлган бир нафар бола учун – 295 минг сўм;
• иккинчи фарзанд учун қўшимча – 177 минг сўм;
• учинчи ва ундан кейинги ҳар бир фарзанд учун қўшимча – 118 минг сўм.

Моддий ёрдамнинг ойлик миқдори эса 450 минг сўм этиб белгиланди.

Фармонга мувофиқ, 2026 йил 1 сентябрдан бюджет ташкилотлари ходимларининг иш ҳақи ҳамда талабалар стипендиялари ҳам 7 фоизга оширилади.