Қўй жон дардида, қассоб гўшт дардида: Тошкент вилоят ҳокимлилиги Чорвоқдаги курорт ҳақида баёнот берди

Баёнотда айтилишича, “Sеа Breeze” курорт мажмуаси лойиҳаси доирасида Чорвоқ сув омбори бўйида 577 гектар ер майдони ва унга туташ 3 минг гектарлик ҳудудда кенг қамровли ишлар режалаштирилган.

Шунингдек, курорт қурилишида 10 мингдан зиёд иш ўрни яратилиши ҳамда  туризм экспорти 500 миллион АҚШ долларга етиши мумкин. Шунингдек, вилоятга чет эллик сайёҳлар оқими эса йилига 5 миллион нафаргача кўпайиши мумкин.

Ҳокимликнинг ёзишича, лойиҳа амалга оширилишининг барча босқичлари экология, қурилиш, кадастр ва санитария соҳалари бўйича вилоят тузилмалари томонидан тизимли назоратга олиниши таъминланади.

Шу билан бирга лойиҳага ер участкаларини ажратиш, ижарага бериш ва қайта расмийлаштириш бўйича барча жараёнлар тасдиқланган мастер-режа асосида, экологик талаблар инобатга олинган ҳолда ва очиқ мониторинг шароитида амалга оширилиши назорат қилинади.

“Вазирлар Маҳкамаси қарорида белгиланган тартибда ердан фойдаланиш ҳуқуқига эга бўлган барча фуқароларга компенсациялар тўланади”, —дейилади ҳокимлик баёнотида.

Маълумот учун, Илҳом Алиевнинг собиқ куёви инвестор Эмин Агаларов Чорвоқда Sea Breeze курорт лойиҳасини жорий йил бошида президент Шавкат Мирзиёевга тақдим қилди. Шундан сўнг, эколог ва жамоатчиликда норозилик келиб чиқди. Курорт қуриладиган жой Чорвоқ сув омборининг қирғоқларида жойлашган. Тошкент шаҳри мазкур сувдан деярли барча соҳаларда фойдаланади.

Экологларга кўра, сув атрофида бундай қурилиш қилиш сувга жиддий зарар етиш ҳамда заҳарланиши мумкин.

Экология вазирининг бу лойиҳа ҳали вазирликка етиб келмаганини, агар келса экологик экспертизадан ўтиши ҳамда лойиҳа муҳокама учун жамоатчиликка тақдим этилиши айтилган эди. Бироқ, 1 август куни  лойиҳа Вазирлар Маҳкамаси Чорвоқдаги 577 гектар ер майдонини 5 млрд АҚШ доллар эвазига ушбу курорт мажмуасини барпо қилиш шарти билан “Sеа Breeze Uzbekistan” МЧЖ га 25 йилга тўғридан-тўғри ижарага бериш шарти билан Вазирлар Маҳкамаси 490-сонли қарорини эълон қилди.

Очиқ манбаларга кўра, бу ташкилот 4 август куни ташкил этилган яъни қарор қабул қилинганидан 3-кун ўтиб. МЧЖнинг 50 фоиз акцияси “Agalarov Development” қолган 50 фоизи эса, Махмудов Улуғбек Абдурасуловичга тегишли.