Солиқдан бўйин товлаш учун 7 йилгача қамоқ жазоси жорий этилди

Маъмурий жавобгарлик тўғрисидаги кодекс ҳамда Жиноят кодексига тегишли ўзгартиришлар киритилди.

Янги қоидалар нима ўзгарди?

Янги тартибларга кўра, даромадларни яшириш, солиқ базасини камайтириб кўрсатиш ёки солиқ тўлашдан қасддан бўйин товлаш учун жарималар оширилди ҳамда жиноий жазо чоралари кенгайтирилди.

Маъмурий жазо чоралари

• Даромадни яшириш ёки солиқни камайтириш: 15–25 БҲМ (фуқаролар)
• Мансабдор шахслар учун: 25–50 БҲМ
• Кўп миқдорда тўланмаган ҳолат учун: 30–100 БҲМ
• Декларация тақдим этмаслик: 5–10 БҲМ

Жиноий жавобгарлик кучайтирилди

Жиноят кодексига киритилган ўзгаришларга кўра:

• Кўп миқдорда солиқдан бўйин товлаш:
  жарима, 3 йилгача озодликни чеклаш ёки 3 йилгача қамоқ
• Такрорий ёки кўп миқдорда:
  3–5 йилгача озодликдан маҳрум қилиш
• Жуда кўп миқдорда:
  300–600 БҲМ жарима ёки 5–7 йилгача қамоқ

Муҳим енгиллик

Агар зарар тўлиқ қопланса, айрим ҳолатларда жиноий жазодан озод қилиш имконияти сақлаб қолинган.

Қонуннинг мақсади

Ушбу ўзгаришлар солиқ интизомини кучайтириш, даромадларни яшириш ҳолатларини камайтириш ва давлат бюджети барқарорлигини таъминлашга қаратилган.