Жаҳон иқлим индекси: Ўзбекистон 53-ўринда

Жаҳон мамлакатларининг иқлим кўрсаткичлари рейтинги эълон қилинди. Унда Ўзбекистон 53-ўринни эгаллади.

Ушбу глобал баҳолаш тизими ҳар йили Germanwatch ва NewClimate Institute томонидан тайёрланиб, мамлакатларнинг иқлим ўзгаришига қарши кураш борасидаги натижаларини таққослайди.

Ҳар бир йўналишда мамлакатларнинг соҳа ислоҳотлари, миллий мажбуриятлари, энергия бозоридаги ўзгаришлар ҳамда атмосферага ташланаётган чиқиндилар ҳажми инобатга олинган.

Ўзбекистон 53-ўрин билан паст кўрсаткичли давлатлар қаторига кирди. Бу ҳолатга қазилма ёқилғилар истеъмоли юқорилиги, қайта тикланувчи энергия улушининг пастлиги, иссиқхона газлари эмиссиясининг ўсиши ва иқлим сиёсатидаги ўрта даражадаги ислоҳотлар сабаб бўлган.

Эслатиб ўтамиз, 2025 йил 24–28 ноябрь кунлари Тошкент шаҳрида ўтказилган рейдлар давомида 67 та иссиқхона фаолияти ва 34 та объект қурилиши тўхтатилгани хабар қилинган эди.