АҚШ армиясига Россия ва Хитойдан ошиб кетиш учун дронларни харид қилишга рухсат берди

Пит Ҳегсетнинг бу қарори Россия ва Хитойдан пилотсиз учувчи аппаратлар урушида ўзиб кетиш учун қатъий ҳаракатлар доирасида амалга оширилмоқда.

"Вазирликнинг бюрократик тўсиқлари олиб ташланмоқда. Ўзимизга қўйган чекловлар ҳалокатли кучимизга тўсқинлик қилмайди... Бизнинг асосий хавфимиз - хавф-хатардан қочишдир", — деган Пит Ҳегсет.

"Fox News Digital" томонидан биринчи марта олинган икки хизмат хатида, Ҳегсет инновацияларни чекловчи деб ҳисоблаган эски сиёсатни бекор қилди. Энди биринчи марта полковник ёки капитан унвонига эга бўлган қўмондонлар, агар миллий хавфсизлик мезонларига жавоб берса, дронларни, шу жумладан 3D-босма прототиплар ва тижорат мақсадида ишлаб чиқарилган тизимларни мустақил равишда харид қилишлари ва синовдан ўтказишлари мумкин.

Улар анъанавий тасдиқлаш жараёнларини четлаб ўтиб, дарҳол дронлар билан ишлаш ва машқ қилишлари мумкин, ҳатто назорат қилинадиган шароитларда ўлдирмайдиган автоном UUA'ларни (учувчисиз учиш аппарати тизими) синаб кўриш ҳуқуқига ҳам эга.

"Кичик UUA'лар юқори технологияли самолётлардан кўра кўпроқ ўқ-дориларга ўхшайди," деб таъкидланади йўриқномаларнинг бирида. "Улар арзон, тез алмаштирилиши мумкин ва сарфланадиган материал сифатида таснифланиши керак", — дейилади хабарда.

Эслатмаларда кичик дронлар (1 ва 2-гуруҳ) узоқ муддатли ҳарбий активлар эмас, балки сарфланадиган материаллар сифатида қайта белгиланади, бу уларни эски кузатув тизимларидан чиқаради ва сотиб олиш жараёнини соддалаштиради.

Ҳегсетнинг айтишича, бугунги кунга қадар Мудофаа вазирлиги "UUA'ни кенг кўламда ва тезликда жорий қила олмади."