Мексикада машҳур наркобароннинг ўлдирилиши ортидан тартибсизликлар авж олди

Унинг ўлдирилиши ортидан мамлакатда улкан тартибсизликлар бошланди, деб хабар бермоқда “Milenio”.

Осегера Сервантес “Халиско янги авлоди” картелини бошқарарди ва мамлакатдаги энг шафқатсиз жиноятчилардан бири сифатида танилган. “The New York Times” нашрига кўра, у давлат хавфсизлик кучлари билан очиқ тўқнашувлардан чўчимаган. Картель асосан кокаин, метамфетамин ва фентанилни АҚШга етказиб бериш билан шуғулланган.

Халиско штати губернатори Пабло Лемус Наварро ижтимоий тармоқларда картель аъзолари Қуролли кучлар операциясига тўсқинлик қилиш мақсадида автомобилларни ёқиб юборгани ва йўлларни тўсганини тасдиқлади.

Нашр маълумотига кўра, камида беш штатда, жумладан Халискода ҳам оммавий тартибсизликлар юзага келди. Маҳаллий аҳоли ва расмийлар автомобиллар ёқилиши ва кўчалар тўсиб қўйилганини хабар қилди. 

Халиско штатида фавқулодда ҳолат режими жорий қилинган, айрим ҳудудларда жамоат транспорти тўхтатилган ва аҳолига биноларни тарк этмаслик тавсия қилинган. Гвадалахарада ҳам ёнғинлар кузатилмоқда.

Пуэрто-Вальярта ва Гвадалахара аэропортлари вақтинча рейсларни қабул қилмаяпти, ижтимоий тармоқларда аэропортларда паноҳ излаётган йўловчилар видеолари тарқалди.