Meksikada mashhur narkobaronning oʻldirilishi ortidan tartibsizliklar avj oldi

Uning oʻldirilishi ortidan mamlakatda ulkan tartibsizliklar boshlandi, deb xabar bermoqda “Milenio”.

Osegera Servantes “Xalisko yangi avlodi” kartelini boshqarardi va mamlakatdagi eng shafqatsiz jinoyatchilardan biri sifatida tanilgan. “The New York Times” nashriga koʻra, u davlat xavfsizlik kuchlari bilan ochiq toʻqnashuvlardan choʻchimagan. Kartel asosan kokain, metamfetamin va fentanilni AQShga yetkazib berish bilan shugʻullangan.

Xalisko shtati gubernatori Pablo Lemus Navarro ijtimoiy tarmoqlarda kartel aʼzolari Qurolli kuchlar operatsiyasiga toʻsqinlik qilish maqsadida avtomobillarni yoqib yuborgani va yoʻllarni toʻsganini tasdiqladi.

Nashr maʼlumotiga koʻra, kamida besh shtatda, jumladan Xaliskoda ham ommaviy tartibsizliklar yuzaga keldi. Mahalliy aholi va rasmiylar avtomobillar yoqilishi va koʻchalar toʻsib qoʻyilganini xabar qildi. 

Xalisko shtatida favqulodda holat rejimi joriy qilingan, ayrim hududlarda jamoat transporti toʻxtatilgan va aholiga binolarni tark etmaslik tavsiya qilingan. Gvadalaxarada ham yongʻinlar kuzatilmoqda.

Puerto-Valyarta va Gvadalaxara aeroportlari vaqtincha reyslarni qabul qilmayapti, ijtimoiy tarmoqlarda aeroportlarda panoh izlayotgan yoʻlovchilar videolari tarqaldi.