Қозоғистонда кўпхотинлилик қонунийлаштирилиши мумкин

 У бу фикрни журналист Ербол Сейилхан билан суҳбат чоғида айтган бўлиб, суҳбатни блогер Сырым Итқулов ўз Telegram-каналида эълон қилган.

Депутатнинг таъкидлашича, Қозоғистонда кўплаб бой эркаклар аллақачон «токал» билан яшайди ва бу ҳолат фақат амалдорларга хос эмас. У қадимий қозоқ анъанасидаги «аменгерлик» одатини эсга олди — унда эркак акаси вафот этганидан сўнг унинг беваси билан турмуш қуриб, аёлни ижтимоий жиҳатдан қўллаб-қувватлаган.

Бироқ, депутатнинг фикрича, бу анъана ҳозирда «бойларнинг ўйинчоғига» айланиб қолган, чунки ҳозирги кунда «токаллар» асосан ёш қизлар бўлиб қолган. 

Куспан бу масалани парламент минбаридан қонун ташаббуси сифатида илгари сурмаганини, балки бу журналист саволига берилган шахсий фикр бўлганини таъкидлади.

«Депутат сифатида бу масалани минбарда кўтариш ниятим йўқ. Аммо бу Қозоғистонда "токаллар" ва никоҳсиз туғилган болалар билан боғлиқ муаммо йўқ дегани эмас. Бундай ижтимоий муаммо мавжуд ва эрта-ю кеч у қонуний ечим талаб қилади», - деган у қўшимча қилиб.