Қозоғистонда Navai’га нисбатан жиноят иши тугатилди, у қандай жазо олди?

Tengrinews.kz хабарига кўра, жиноят иши илк бор ҳуқуқбузарлик содир этилгани ва рэпер қилмишига чин дилдан пушаймон бўлгани инобатга олиниб, реабилитация қилмайдиган асослар бўйича тугатилган.

Наваи Бакиров 13 октябрь куни Қирғизистондан Қозоғистонга кираётганида «Қордай» назорат-ўтказиш пунктида ушланган. У ҳаракатланган автомобиль текширилганда гиёҳвандлик воситаси аниқланган. Шундан сўнг рэпер вақтинча сақлаш изоляторига жойлаштирилган, 15 октябрь куни эса суд уни қамоққа олишга санкция берган.

Дастлабки тергов гиёҳвандлик воситаларини контрабанда қилиш ва қонунга хилоф равишда сақлаш билан боғлиқ икки модда бўйича олиб борилган.

16 октябрь куни Россиянинг Олмаотадаги Бош консулхонаси рэпернинг қўлга олиниши ҳолатларига изоҳ беришни сўраб, Қозоғистон Ташқи ишлар вазирлигига нота юборган.

Шунингдек, 14 октябрь куни Остонада Navai’нинг яккахон концерти ўтказилиши режалаштирилган эди. Бироқ чипта оператори концерт бошланишига тўрт соат қолганида тадбир техник сабабларга кўра бекор қилинганини маълум қилган.