updated: 22.03.2026, 14:24

Сергей Миронов: "Тил билмасликни баҳона қилиб давлатдан чиқариб юбориш — бу ҳақиқий фашизм"

Сергей Миронов Латвияда русийзабонларни чиқаришни “фашизм” деб атади. Россияда қонунбузар мигрантларни эса нафақат ўзи, балки бутун оиласи билан депортация қилиш тарафдори. Шунингдек, Миронов Россияга меҳнат мигрантлари фақат вахта усулида келиши, уларнинг оилалари эса мамлакатга киритилмаслиги лозимлигини билдирди.

Жаҳон

25.10.2025, 14:51

Lotinchada

Улашиш:

Сергей Миронов: "Тил билмасликни баҳона қилиб давлатдан чиқариб юбориш — бу ҳақиқий фашизм"

«Справедливая Россия — За правду» фракцияси раҳбари Сергей Миронов Латвия томонидан россияликларнинг депортация қилиниши ва Россияда мигрантларни чиқариб юбориш ўртасида фарқ борлигини таъкидлади.

Сиёсатчининг фикрича, Латвиядан депортация қилинаётган русийзабонлар мигрант эмас, балки ўша ерда ўн йиллаб яшаган, баъзилари СССР давридан бери шу мамлакатда истиқомат қилиб келаётган аҳолидир. Унга кўра, тил билмасликни баҳона қилиб, аслида одамларни «пророссия қарашлари» учун чиқариб юбориш — «бу ҳақиқий фашизм».

Россиядан мигрантларни чиқариб юбориш эса бошқа масала эканини айтган Миронов, бу хорижий фуқароларга нисбатан қонунларга риоя қилмаслик ва маҳаллий урф-одатларга мослашишни истамаслик билан боғлиқлигини таъкидлади.

Унинг сўзларига кўра, агар мигрант қонун бузса, нафaқат унинг ўзи, балки унинг яқин қариндошлари ҳам депортация қилиниши керак. Шунингдек, Миронов Россияга меҳнат мигрантлари фақат вахта усулида келиши, уларнинг оилалари эса мамлакатга киритилмаслиги лозимлигини билдирди.

Сиёсатчининг фикрича, бундай ёндашув муаммоларни камайтиради ва депортация масалалари камроқ муҳокамага чиқади.

Жаҳон

25.10.2025, 14:51

Улашиш:

#Россия #мигрант #латвия

мавзуга оид янгиликлар