Шимолий Калифорния кутубхонасида отишма содир бўлди

22 июнь куни Шимолий Калифорниядаги кутубхонада содир этилган отишма оқибатида икки киши ҳалок бўлди, гумонланувчи эса қўлга олинди.

Шаҳар полицияси бошлиғи Билли Олдрижнинг матбуот анжуманида айтишича, полиция соат 17:00 дан сўнг келиб тушган қўнғироққа биноан етиб борган.

Қўнғироқ пайтида Бютт округи кутубхонасининг Чико филиалидан отишма ва одамларнинг қичқириқлари эшитилиб турган.

Олдрижнинг сўзларига кўра, аҳоли учун жиддий хавф мавжуд эмас ва ҳуқуқ-тартибот идоралари отишма юзасидан тергов олиб бормоқда.

Кутубхона атрофидаги кўчалар вақтинча ёпилди.

Шунингдек, бир бола енгил тан жароҳати билан шифохонага ётқизилди.

Гумонланувчининг исмини ҳам, отишмага нима сабаб бўлгани ҳақидаги тафсилотларни ҳам ошкор қилмади полиция. Ҳуқуқ-тартибот идоралари вакилларининг сўзларига кўра, отишма содир этган шахс ёлғиз ҳаракат қилган деб ишонилмоқда.

Округ маъмурияти аҳолини ушбу ҳудудга яқинлашмасликка чақирди ва сешанба куни Бутте округи кутубхонасининг барча филиаллари вақтинча ёпилишини маълум қилди.

Округ маъмурияти Facebook'даги саҳифасида ушбу қайғули ҳодисадан жабр кўрган барчага, жумладан, қурбонлар, уларнинг яқинлари ва кутубхона ходимларига чуқур ҳамдардлик билдирди.