Shimoliy Kaliforniya kutubxonasida otishma sodir bo‘ldi

22-iyun kuni Shimoliy Kaliforniyadagi kutubxonada sodir etilgan otishma oqibatida ikki kishi halok bo‘ldi, gumonlanuvchi esa qo‘lga olindi.

Shahar politsiyasi boshlig‘i Billi Oldrijning matbuot anjumanida aytishicha, politsiya soat 17:00 dan so‘ng kelib tushgan qo‘ng‘iroqqa binoan yetib borgan.

Qo‘ng‘iroq paytida Byutt okrugi kutubxonasining Chiko filialidan otishma va odamlarning qichqiriqlari eshitilib turgan.

Oldrijning so‘zlariga ko‘ra, aholi uchun jiddiy xavf mavjud emas va huquq-tartibot idoralari otishma yuzasidan tergov olib bormoqda.

Kutubxona atrofidagi ko‘chalar vaqtincha yopildi.

Shuningdek, bir bola yengil tan jarohati bilan shifoxonaga yotqizildi.

Gumonlanuvchining ismini ham, otishmaga nima sabab bo‘lgani haqidagi tafsilotlarni ham oshkor qilmadi politsiya. Huquq-tartibot idoralari vakillarining so‘zlariga ko‘ra, otishma sodir etgan shaxs yolg‘iz harakat qilgan deb ishonilmoqda.

Okrug ma’muriyati aholini ushbu hududga yaqinlashmaslikka chaqirdi va seshanba kuni Butte okrugi kutubxonasining barcha filiallari vaqtincha yopilishini ma’lum qildi.

Okrug ma’muriyati Facebook’dagi sahifasida ushbu qayg‘uli hodisadan jabr ko‘rgan barchaga, jumladan, qurbonlar, ularning yaqinlari va kutubxona xodimlariga chuqur hamdardlik bildirdi.