Трамп: Эрон раҳбарияти билан учрашишга тайёрман

У бу ҳақда The New York Post нашрига берган интервьюсида айтди.

Трампнинг сўзларига кўра, агар музокаралар муваффақиятли ўтса, у Эрон етакчилари билан бевосита мулоқот қилишга қарши эмас. 

Америка раҳбари эҳтимолий келишув амал қилмай қолган тақдирдаги оқибатлар ҳақида батафсил тўхталмади. У фақат бу ҳолат “ёқимли бўлмаслиги”ни қайд этди.

Шунингдек, Трамп АҚШ Эрон томонида “тўғри одамлар” билан иш олиб бораётганига ишонч билдирди.

Аввалроқ у АҚШ делегацияси 20 апрель куни музокаралар учун Исломободга боришини маълум қилган эди. Делегация таркибига вице-президент Ж.Д. Вэнс, шунингдек махсус элчилар Стив Уиткофф ва Жаред Кушнер киритилган.

Трампнинг таъкидлашича, томонлар музокараларга жиддий ёндашмоқда.