Украина кечаси кутилмаганда Россия авиабазаларига кенг кўламли ҳужумни амалга оширди

Маълумотларга кўра, Украина хавфсизлик хизмати  (SBU) бу операцияга 18 ой тайёргарлик кўрган. Операцияга президент Владимдир Зеленский бошчилик қилган. Ҳужумда Россиянинг бешта авиабазаси нишонга олинган: Оленя, Белая, Дягилова, Иваново Свернй.

Ҳужум оқибатида 40 дан ортиқ ҳарбий самолёт, жумладан, стратегик TU-95, ТU-22М3 бомбардимончилари ва А-50 разведка самолётлари йўқ қилинган.

SBU ҳисоб-китобларига кўра, бу операция Россия ҳарбий авиациясига 7 миллиард АҚШ доллар зарар етказган.

Украина хавфсизлик хизмати 117 та FPV дронлари Россия ҳудудига юк машиналар орқали яширинча ёғочдан ясалган контейнерлар ичида олиб кирган. Дронлар махсус модификацияланган юк машиналарида, масофадан бошқариладиган томлар остида яширинча жойлаштирилиб, ҳужум вақтида масофадан бошқарув орқали ишга туширилган.

Foto: BBC

SBU Россия ҳудудига яширинча олиб кирилган ва жойлаштирилган дронларни сунъий интеллект ёрдамида нишонларни аниқлаган ва GPS орқали Россиянинг GSM тармоғИ орқали манзилларни аниқлаш имконига эга бўлган.

Ҳужум Россиянинг стратегик бомбардимончилари паркининг учдан бир қисмини йўқ қилган бўлиб, бу Россиянинг узоқ масофали ракета ҳужумлари салоҳиятини сезиларли даражада камайтиради.

Россия Мудофаа вазирлиги бу ҳужумини "террористик ҳужум" деб атаб, баъзи авиабазаларда ҳужумлар қайтарилганини, аммо Оленя ва Белая базаларида зарар етказилганини тасдиқлади.

"Бугун Киев режими FPV дронлари ёрдамида Мурманск, Иркутск, Иваново, Рязан ва Амур вилоятларидаги аэродромларга қарши теракт уюштирди", дейилади Россия Мудофаа вазирлиги баёнотида.

Иркутск ва Мурманск вилоятларидаги ҳарбий аэродромларда FPV дронларининг ҳужумидан сўнг бир нечта самолёт ёниб кетди.

"Ҳарбий хизматчилар ёки тинч аҳоли орасида қурбонлар йўқ,  ҳарбий идора ва ҳужумда иштирок этганларнинг баъзилари қўлга олинган",  дея маълум қилган. 

Ҳужум Истанбулда режалаштирилган тинчлик музокаралари арафасида амалга оширилди. Украина президенти Владимир Зеленский тинчлик музокараларига тайёрлигини билдирган бўлса-да, Россиядан тўлиқ ўт очишни тўхтатиш, асирлар алмашинуви ва депортация қилинган болаларни қайтаришни талаб қилмоқда.

"Ўргимчак тўри" операцияси Украина томонидан Россия ҳудудида амалга оширилган энг йирик ва энг чуқур ҳужум бўлиб, Россиянинг стратегик ҳарбий салоҳиятига жиддий зарар етказди. Бу операция Украина ҳарбий разведкаси ва технологик салоҳиятининг юқори даражасини намоён этиб, Россия ҳарбий иншоотларининг заиф томонларини очиб берди. Шунингдек, бу ҳужум Россиянинг ички хавфсизлик тизимларига таҳдид солиб, Россия жамиятида урушнинг яқинлигини ҳис қилдирди.

Операциянинг муваффақияти Украина учун катта стратегик ютуқ бўлиб, Россиянинг ҳарбий салоҳиятига жиддий зарба бўлди. Бу эса келажакда урушнинг боришига қандай таъсир кўрсатишини вақт кўрсатади.