Ukraina kechasi kutilmagan Rossiyaga aviabazalariga keng koʻlamli hujumni amalga oshirdi

Maʼlumotlarga koʻra, Ukraina xavfsizlik xizmati  (SBU) bu operatsiyaga 18 oy tayyorgarlik koʻrga. Operatsiya prezident Vladimdir Zelenskiy boshchilik qilgan. Hujumda Rossiyaning beshta aviabazasi nishonga olingan: Olenya, Belaya, Dyagilova, Ivanovo Sverny va Ukrainka.

Hujum oqibatida 40 dan ortiq harbiy samolyot, jumladan, strategik TU-95, TU-22M3 bombardimonchilari va A-50 razvedka samolyotlari yoʻq qilingan.

SBU hisob-kitoblariga koʻra, bu operatsiya Rossiya harbiy aviatsiyasiga 7 milliard AQSh dollar zarar yetkazgan.

Ukraina xavfsizlik xizmati 117 ta FPV dronlari Rossiya hududiga yuk mashinalar orqali yashirincha yogʻochdan yasalgan konteynerlar ichida olib kirgan. Dronlar maxsus modifikatsiyalangan yuk mashinalarida, masofadan boshqariladigan tomlar ostida yashirincha joylashtirilib, hujum vaqtida masofadan boshqaruv orqali ishga tushirilgan.

Foto: BBC

SBU Rossiya hududiga yashirincha olib kirilgan va joylashtirilgan dronlarni sunʼiy intellekt yordamida nishonlarni aniqlagan va GPS orqali Rossiyaning GSM tarmogʻI orqali manzillarni aniqlash imkoniga ega boʻlgan.

Hujum Rossiyaning strategik bombardimonchilari parkining uchdan bir qismini yoʻq qilgan boʻlib, bu Rossiyaning uzoq masofali raketa hujumlari salohiyatini sezilarli darajada kamaytiradi.

Rossiya Mudofaa vazirligi bu hujumini "terroristik hujum" deb atab, baʼzi aviabazalarda hujumlar qaytarilganini, ammo Olenya va Belaya bazalarida zarar yetkazilganini tasdiqladi.

"Bugun Kiyev rejimi FPV dronlari yordamida Murmansk, Irkutsk, Ivanovo, Ryazan va Amur viloyatlaridagi aerodromlarga qarshi terakt uyushtirdi", deyiladi Rossiya Mudofaa vazirligi bayonotida.

Irkutsk va Murmansk viloyatlaridagi harbiy aerodromlarda FPV dronlarining hujumidan soʻng bir nechta samolyot yonib ketdi.

"Harbiy xizmatchilar yoki tinch aholi orasida qurbonlar yoʻq,  harbiy idora va hujumda ishtirok etganlarning baʼzilari qoʻlga olingan",  deya maʼlum qilgan. 

Hujum Istanbulda rejalashtirilgan tinchlik muzokaralari arafasida amalga oshirildi. Ukraina Prezidenti Vladimir Zelenskiy tinchlik muzokaralariga tayyorligini bildirgan boʻlsa-da, Rossiyadan toʻliq oʻt ochishni toʻxtatish, asirlar almashinuvi va deportatsiya qilingan bolalarni qaytarishni talab qilmoqda.

"Oʻrgimchak toʻri" operatsiyasi Ukraina tomonidan Rossiya hududida amalga oshirilgan eng yirik va eng chuqur hujum boʻlib, Rossiyaning strategik harbiy salohiyatiga jiddiy zarar yetkazdi. Bu operatsiya Ukraina harbiy razvedkasi va texnologik salohiyatining yuqori darajasini namoyon etib, Rossiya harbiy inshootlarining zaif tomonlarini ochib berdi. Shuningdek, bu hujum Rossiyaning ichki xavfsizlik tizimlariga tahdid solib, Rossiya jamiyatida urushning yaqinligini his qildirdi.

Operatsiyaning muvaffaqiyati Ukraina uchun katta strategik yutuq boʻlib, Rossiyaning harbiy salohiyatiga jiddiy zarba boʻldi. Bu esa kelajakda urushning borishiga qanday taʼsir koʻrsatishini vaqt koʻrsatadi.