Жиззах вилоятида янги кичик АЭС учун котлован қазиш ишлари бошланди

Жиззах вилоятининг Фориш туманида кичик қувватли атом электр станцияси учун мўлжалланган РИТМ-200Н реактори жойлашадиган котлован қазиш бўйича тайёргарлик ишлари бошланди. «Росатом» бош директори Алексей Лихачёв ва «Ўзатом» агентлиги раҳбари Азим Аҳмедхаджаев ишларга расман старт беришди.

Ўзбекистон

10.10.2025, 10:22

На русском языке

Улашиш:

Фото: Министерство энергетики

Биринчи босқичда тахминан 1,5 миллион куб метр тупроқ олиб чиқилиши режалаштирилган бўлиб, котлованнинг чуқурлиги 13 метрга етади. Алексей Лихачёвнинг таъкидлашича, бошқа хорижий лойиҳалардаги каби, кичик атом станцияси қурилишида ҳам маҳаллийлаштириш даражаси юқори бўлади — ишлар ўзбекистонлик субпудратчилар томонидан амалга оширилмоқда.

«Росатом» 60 йиллик минимал хизмат муддатига эга станцияни қуриб, унинг эксплуатациясида ҳам ҳар томонлама қўллаб-қувватлашни таъминлайди, — деди Лихачёв.

Маълумот учун, аввалроқ маҳаллий Enter Engineering компанияси Ўзбекистондаги биринчи атом электр станцияси қурилишига тайёргарлик кўриш учун субпудратчи сифатида танлангани хабар қилинган эди. Ҳозирда АЭС жойлашув майдонида Enter Engineering қурилиш-монтаж базасини барпо этмоқда. У ерда конструкцияларни олдиндан йиғиш ишлари амалга оширилади. Шунингдек, база доирасида қурилиш ва монтаж материаллари учун омборлар, бетон аралаштириш узеллари ташкил этилади.

Enter Engineering компанияси бунга қадар Uzbekistan GTL заводи, Олмалиқ кон-металлургия комбинати таркибидаги 3-мисни қайта ишлаш заводи (3-МҚИЗ), Бойсун газни қайта ишлаш заводи «Мустақилликнинг 25 йиллиги» ёки М-25, Бухоро вилоятидаги МТО газ-кимё мажмуаси ва бошқаларни барпо этган. Шу билан бирга, Enter Engineering ўз ходимларига мунтазам равишда ойлик иш ҳақини бермай келиши билан машҳур. Интернетда тўлов талаб қилаётган ишчиларнинг фото ва видеолари бир неча бор пайдо бўлган.

Ўзбекистон

10.10.2025, 10:22

Улашиш:

#аэс #Жиззах вилояти #энтер энгинеэринг

мавзуга оид янгиликлар