Бугун иш вақти 1 соатга қисқаради, ойлик эса байрамдан олдин тўланиши шарт

Агар иш ҳақи тўланадиган сана 1 октябрга тўғри келса, ойлик байрамдан олдин тўланиши керак.

Иш ҳақи белгиланган муддатда берилмаса, кечиктирилган ҳар бир кун учун ходимга пулли компенсация тўланиши шарт.

Асос: Меҳнат кодексининг 187, 253 ва 333-моддалари

187-модда бўйича байрам арафасида иш куни камида бир соатга қисқаради, шунингдек тўлов санаси байрам кунига тўғри келса, у байрамдан олдин тўланиши керак.

253-модда иш ҳақи муддатларини белгилайди: одатда ойлик икки қисмда (аванс ва қолган қисм), оралиқ 16 кундан ошмаслиги керак.

333-моддага кўра, кечикиш содир бўлса, иш берувчи ҳар бир кечиктирилган кун учун Марказий банк қайта молиялаштириш ставкасининг 10 фоизи миқдорида компенсация тўлаши шарт.