Жорий ҳафта ўзбекистонликларни қандай об-ҳаво кутмоқда?

Бугун, 17 февраль куни кундузи Ўзбекистон ҳудуди бўйича ёғингарчиликсиз об-ҳаво бўлиши кутилмоқда. Кеча ҳаво кескин совуқ бўлганидан сўнг ҳарорат тез кўтарила бошлайди ва куннинг ўртасига келиб ҳаво 8-13 даража илиққача исийди. 

18-19 февраль кунлари Республиканинг катта қисмида ёғингарчиликсиз об-ҳаво сақланиб туради. Фақат Бухоро, Навоий, Қашқадарё, Сурхондарё вилоятларининг баъзи жойларида ва 19 февраль куни Самарқанд, Жиззах вилоятларининг айрим ҳудудларида ёмғир ёғиши мумкин. Ушбу кунларда ҳаво ҳарорати деярли ўзгармайди. 

Ҳафтанинг иккинчи ярмида Ўзбекистоннинг барча ҳудудлари бўйича қуруқ ва баҳорий илиқ об-ҳаво бўлиши кутилмоқда. Кундуз кунлари ҳаво  15-20 даража илиққача исийди. Бу ҳарорат март ойининг охири ва апрель ойининг бошидаги иқлим кўрсаткичларига мос келади. Ҳарорат кечалари 3-8 даража илиқ атрофида бўлади. 

Шамол шарқдан 7-12 м/с тезликда эсади, 18 февраль куни айрим жойларда 13-18 м/с гача кучаяди. 17-20 февраль кунлари ёғингарчилик кутилмайди. Шамол шарқдан 3-8 м/с тезликда эсади. 17-19 февралда ҳарорат асосан кечалари 0-3 даража илиқ, кундуз кунлари 11-14 даража илиқ, 20-21 февралда кечалари 2-5 даража илиқ бўлади, кундуз кунлари эса 15-18 даража илиққача кўтарилади.