Ўзбекистонда биринчи пуллик йўл лойиҳаси қиймати 4,65 млрд долларни ташкил этади

Янги пуллик йўл Тошкент ва бошқа ҳудудларни Фарғона водийси билан боғлашга ёрдам беради. Лойиҳанинг умумий узунлиги 314 км бўлиб, унинг қиймати $4,65 млрдни ташкил қилади”, — деди Жасурбек Чориев.

Шунингдек, у трансафғон темирйўл қурилиши ҳақида ҳам маълумот бериб, темирйўл Евроосиё транспорт йўлагини яратишда муҳим рол ўйнашини қайд этди. Натижада Марказий Осиё мамлакатлари Ҳинд океани портига чиқиш имконига эга бўлади.

Тошкент-Андижон пуллик йўл қурилиши 2026-йилгача амалга оширилиши белгиланган 5та лойиҳадан биттаси ҳисобланади. 2023-йил охиригача Тошкент-Андижон пуллик автомобил йўли қурилиши бошланиши керак эди. Ўшанда лойиҳа қиймати $2,5 млрдга баҳоланганди. Унинг натижасида Андижондан Тошкентга бориш вақти 5 соатдан 3 соатга қисқариши кутилмоқда.

Йил бошида Стратегик ислоҳотлар агентлиги директори Баҳодир Раҳматов “Пуллик йўллар тўғрисида"ги қонун қабул қилиниши режалаштирилганини маълум қилганди. Бу уларни қуриш учун ҳуқуқий асос яратиб, фаолияти, тўловни қабул қилиш ва олинган пулларни тақсимлаш тартибини белгилайди.

Аввалроқ Япониянинг “Сожитз” ҳамда Туркиянинг “Рöнесанс” компаниялари Ўзбекистон давлат-хусусий шериклик асосида пуллик йўл қурилишид лойиҳаларида иштирок этишга қизиқиш билдираётгани ҳақида хабар берилганди.