Тошкент халқаро аэрапортида таксистларга қўшимча имтиёзларни ким таьминлаяпти?

2022 йил сентябр ойидан бошлаб Ислом Каримов номидаги Тошкент халқаро аерапорти ўзининг махсус такси хизматларини ишга туширган эди. Бошқа таксилар (Yandex, Mytaxi ҳайдовчилари) эса фақат автотураргоҳлар олдидан йўловчиларни олиб кетишлари мумкин. "Taxi Airport Tashkent" стикерлари туширилган катта ва кенг юкхонага эга янги автомобиллар йўловчилар учун бир нечта таърифларни ҳам жорий қилган эди. Бироқ ҳали ҳам бу Тошкент халқаро Аерапорти бу тизимга тўлиқ ўта олмаган кўринади.

Ўзбекистон

30.04.2024, 11:25

Lotinchada

Улашиш:

Paradigma.uz мухбири Ислом Каримов номидаги халқоро аерапортнинг кутиб олиш (чиқиш) йўлагида форма кийган аерапорт ходимлари борлигига қарамасдан бир неча шахсларгина уларни олдида туриб Ўзбекистонга келган меҳмонлар ва ҳамюртларимизни таксига чақиришларига жимгина қараб туришганлигини гувоҳи бўлди. Шу билан бирга, яқинларини кутиб олиш учун келган юрдошларимизга бу «йўлакни» бўшатишни бир неча марта талаб қилишди.

Ваҳоланки, бу борада қонунда Ўзбекистонга келаётган туристлар ва мамлакатимиз аҳолисига қулайлик яратиш мақсадида такси хизматлари ташкил қилинган. Қонундан ташқари таксичилик қилувчиларга қарши курашиш эълон қилинганлигига қарамасдан, аеропорт ходимлари бу воқеага эътиборсизлик билан қараши, аеропорт ходимлари олдида ҳам бу тақиқланган бўлишига қарамай яна ўз хизматларини таклиф қилаётган таксистларни фаолиятига йўл қўйиб беришдан кимдир фойда қиляптими ёки Халқаро аерапорт ходимлари қоидаларга шунчаки кўз юмиб қўйганми?

Халқаро Аерапорт орқали Ўзбекистонга келувчи сайёҳлар ва маҳаллий аҳоли шу пайтгача бир марта бўлса ҳам иложсизлик ёки йўлкира нархини билмаслик сабаб халқ ичидан чиққан қўштирноқ ичидаги "киссавурлар" га дуч келган бўлса керак. Тошкент халқаро аерапортининг махсус такси хизматини йўлга қўйиши шундай ҳолатларни олдини олиши ҳам керак эди. Аммо амалда ундай бўлмаяпти.

Ўзбекистон

30.04.2024, 11:25

Улашиш:

#Такси #Халқаро аэрапорт

мавзуга оид янгиликлар