Пара велоспорт бўйича Ўзбекистон терма жамоаси биринчи ўринни эгаллади

Қайд этилишича, мусобақанинг сўнгги кунида 6 нафар ўзбекистонлик спортчи шоҳсупага кўтарилган. 

Шу тариқа терма жамоа ушбу Осиё чемпионатида жами 23 та медаль — 15 та олтин, 6 та кумуш ҳамда 2 та бронза медалини қўлга киритган. Бу орқали умумжамоа ҳисобида биринчи ўринни эгаллади.

Турнинг асосий юлдузи бўлган Самира Исмоилова алоҳида эътиборга сазоров бўлди. У 3000 метр масофани 3 дақиқа 46,800 сонияда босиб ўтиб, якка тартибдаги таъқиб қилиш пойгасида ёшлар ўртасида қитъа ва жаҳон рекордини ўрнатди.