Сардор Умрзоқов бошчилигидаги делегация Иорданияга ташриф буюрди

Ўзбекистон президенти маслаҳатчиси Сардор Умрзоқов бошчилигидаги делегация Иорданияга ташриф буюрди. Бу ҳақда Дин ишлари бўйича қўмита хабар берди.

Сиёсат

02.10.2025, 17:42

Lotinchada

Улашиш:

Sardor Umrzoqov boshchiligidagi delegatsiya Iordaniyaga tashrif buyurdi

Foto: Din ishlari boʻyicha qoʻmita

Сафар 25-26 август кунлари Иордания Ҳошимийлар Подшоҳлиги Подшоҳи Абдулла II ибн ал-Ҳусайннинг Ўзбекистонга ташрифида белгиланган ҳамкорлик алоқаларини янада ривожлантириш мақсадида ташкил қилинган.

Мулоқотларнинг дастлабкиси Иордания Ҳошимийлар Подшоҳлиги Подшоҳи Абдулла II ибн ал-Ҳусайн ва ўртасида ўтказилган. Унда Ўзбекистон Республикаси Президенти маслаҳатчиси Сардор Умрзоқов ҳамда Президент маслаҳатчиси ўринбосари, Ўзбекистон халқаро исломшунослик академияси ректори Музаффар Камилов иштирок этган.

Фото: Дин ишлари бўйича қўмита

Учрашувда Сардор Умрзоқов Подшоҳ Абдулла II ибн ал-Ҳусайнга самимий қабул учун миннатдорлик билдирди. Ўзбекистон ва Иордания ўртасида ҳамкорлик алоқаларида янги давр бошланганини эътироф қилди.

Ўз навбатида Подшоҳ Абдулла II ибн ал-Ҳусайн Иордания ва Ўзбекистон ўртасидаги мустаҳкам дўстликни юқори баҳолаб, ҳамкорликни давом эттириш ва мавжуд ўсиш имкониятларидан, хусусан, савдо, сармоя, соғлиқни сақлаш, таълим ва туризм соҳаларида фойдаланиш зарурлигини таъкидлади.

Шунингдек, делегация аъзолари кун давомида Қирол ҳазратларининг Дин ва маданият масалалари бўйича бош маслаҳатчиси, шаҳзода Амир Ғозий, Вақф ислом ишлари ва муқаддас қадамжолар вазири Муҳаммад ал-Ҳалаяла, Иордания бош муфтийси Аҳмад ал-Ҳасанот ҳамда Ташқи ишлар вазири Айман Сафадий билан ҳам учрашувлар ўтказган.

Сиёсат

02.10.2025, 17:42

Улашиш:

#Иордания #Сардор Умрзоқов

мавзуга оид янгиликлар