ЖЧда ўзбекистонлик юнон-рум курашчилари 6 та медални қўлга киритди

Ортда қолган кун давомида учинчи ўрин учун кураш олиб борган 4 нафар спортчининг барчаси ғалаба қозониб, терма жамоа ҳисобига бронза медальларини қўшиб қўйди. Қуйидагилар бронза медалининг соҳибига айланишган: 

— Умиджон Каромов (-45 кг); 
— Фарруҳ Йўлдошев (-60 кг); 
— Беҳрузбек Валиев (-71 кг); 
— Фахрикамол Комилжонов (-92 кг).

Иорданияда ўтаётган жаҳон чемпионатида "классик" курашчиларнинг қўлга киритган медаллар сони 1 та кумуш ва 5 та бронзани ташкил этди. Ушбу натижа билан Ўзбекистон вакиллари баллар бўйича умумжамоа ҳисобида иккинчи ўринни эгаллади. Эртадан эркин кураш бўйича спортчилар ғолиблик учун баҳсларга киришишади.