Саудия Арабистони иккита янги алкогол дўконини очади — Reuters

Дўконлардан бири Даҳрон шаҳридаги Saudi Aramco ҳимояланган мажмуасида жойлашади ва фақат мусулмон бўлмаган хорижий ходимларга хизмат кўрсатади. Иккинчиси эса Жидда шаҳрида аккредитациядан ўтган дипломатлар учун очилади. Эслатиб ўтамиз, Саудияда мусулмонларга алкогол сотиш, сақлаш ва истеъмол қилиш 1952 йилдаги оммавий можародан сўнг тўлиқ тақиқланган.

Жаҳон

26.11.2025, 08:26

Lotinchada

Улашиш:

Саудия Арабистони мамлакатдаги кўп йиллик тўлиқ тақиқ тизимини босқичма-босқич юмшатиш доирасида икки янги алкогол дўконини очишни режалаштирмоқда.

Ҳар икки дўкон 2026 йилда иш бошлаши кутилмоқда ва уларда қатъий назорат ўрнатилади. Бу тизим 2024 йил бошида Ар-Риёддаги дипломатик кварталда очилган махсус дўкон амалиёти билан бир хил тартибда бўлади. У ерда ҳам алкогол фақат мусулмон бўлмаган дипломатлар ва махсус мақомга эга оз сонли хорижликларга сотилади.

Reuters таъкидлашича, янги дўконлар Саудия Арабистони фуқаролари учун мўлжалланмаган бўлиб, улар ёпиқ мажмуа қоидалари асосида — рўйхатдан ўтиш, квоталар ва назорат қилинган харидлар орқали фаолият юритади.

Ушбу ислоҳот мамлакат валиаҳд шаҳзодаси Муҳаммад ибн Салмоннинг «Vision 2030» дастури доирасида амалга оширилмоқда. Дастур хорижий инвестицияларни жалб қилиш, малакали экспатлар сонини ошириш ва туризм ҳамда кўнгилочар соҳаларни қўллаб-қувватлашга қаратилган.

Расмийлар агентликка билдиришича, алкоголга чекланган ва назоратдаги рухсатномани кенгайтиришдан мақсад — ноқонуний савдо ва дипломатик контрабандани камайтиришдир. Шу билан бирга мамлакатда умумий алкоголь тақиқлари сақлаб қолинади.

Саудия Арабистонида мусулмонларга алкогол сотиш, сақлаш ва истеъмол қилиш 1952 йилдаги оммавий можародан сўнг жорий қилинган тўлиқ тақиқ доирасида ман этилади. Қоида шариат қонунларига асосланади ва мамлакат жиноят кодекси бўйича жарима, қамоқ, чет элликлар учун депортация каби жазоларни назарда тутади.

Жаҳон

26.11.2025, 08:26

Улашиш:

#Саудия Арабистони #алкогол дўкон

мавзуга оид янгиликлар