Сербияда 29 мингга яқин одам ҳукуматга қарши намойишга чиқди

Жорий йилнинг 22 декабрь куни Сербия пойтахти Белград шаҳри кўчаларида 29 мингга яқин одам намойишга чиқди. Бу ҳақда "Le Monde" нашри маълум қилди.

Жаҳон

23.12.2024, 14:19

Lotinchada

Улашиш:

Serbiyada 29 mingga yaqin odam hukumatga qarshi namoyishga chiqdi

Қайд этилишича, намойиш ноябрь ойида Нови-Сад шаҳридаги темир йўл вокзалининг том қисми қулаши оқибатида юз берган кўнгилсиз воқеа сабаб содир бўлмоқда.

Шу йилнинг 1 ноябрь куни Нови-Сад шаҳридаги темир йўл вокзали қайта таъмирланишига қарамасдан, унинг том қисми қулаб тушган. Ҳодиса оқибатида 15 киши ҳалок бўлган.

Талабалар ва мамлакат фуқаролари иштирокида уюштирилган норозилик намойиши қурбон бўлганларнинг хотирасига 15 дақиқалик сукут сақлашдан бошланган. Шундан сўнг, улар қулоқни кар қилувчи ҳуштаклар ва бошқа ускуналар ёрдамида шовқин кўтарган ҳамда Славия майдонини эгаллаб, тирбандликлар келтириб чиқарган.

Намойиш иштирокчилари ҳокимиятни коррупцияда ва таъмирлаш ишларини етарлича назорат олиб бормаганликда айбламоқда. Улар Нови-Сад шаҳри ҳокимининг истеъфога чиқишини ҳамда айбдор деб топилганларни жиноий жавобгарликка тортилишини талаб қилмоқда.

Талабалар иштирокида бошланган норозилик намойишларига мухолиф депутатлар, санъаткорлар, академиклар ва бошқа гуруҳлар қўшилган. Мамлакатдаги ушбу ҳодиса сабабли кўплаб университетлар бир неча ҳафтага ёпилди.

Сербия Президент Александр Вучич намойишчилар талабига биноан вокзал қурилиши ва таъмирланиши билан боғлиқ барча ҳужжатларни очиқ тақдим этган, бироқ норозилик қатнашчилари эълон қилинган ҳужжатлар тўлиқ эмас, деб даъво қилмоқда.

Шунингдек, улар аввалги намойишларда қўлга олинганларни ҳам озод қилишни талаб қилмоқда. Шундан сўнг, Президент Вучич намойишчиларнинг талабларини бажарилганлигини айтиб, уларни дарсга қайтишга чақирган.

Жаҳон

23.12.2024, 14:19

Улашиш:

#Сербия

мавзуга оид янгиликлар