Сирдарёда ота ногирон ўғлидан алимент талаб қилди

Унга кўра, Сирдарё вилояти Гулистон туман судига уч нафар фарзанднинг отаси тўнғич фарзандидан алимент талаб қилиб даъво аризаси киритган. Эркак турмуш ўртоғи ва фарзандлари билан яшамаслигини, ҳозирда соғлиғи ёмонлашганини айтган. Шунингдек, у моддий томондан қийналиб қолгани, фарзанди эса унга ёрдам бермаётганидан шикоят қилган.

“Ота ўзининг мол-мулкини ўғлининг номига ўтказиб берган. Суд мажлисида  у фарзандига берган уй ва дўконларни қайтариб берса, алиментдан воз кечишини айтган. Лекин ўғил бунга рози бўлмаган”,

 дейди матбуот котиби..

Аммо суд отанинг даъвосини рад этган. Чунки у нафақа ёшига етмаган ва меҳнатга лаёқатсиз бўлмаган. Ота даъво қилаётган фарзанд эса 1-гуруҳ ногирони бўлган. Шунингдек, ўғил укаси ва вояга етмаган синглисининг моддий таъминоти учун масъуллиги аниқланган.