Россияда янги тартиб жорий этилди: яна мигрантлар зиёнига

Энди четга чиқиб келган ҳолда қолиш муддати «ноллаштирилмайди». Бу ҳақда TASS хабар берди.

Вазирлик маълумотига кўра, кўплаб хорижий фуқаролар Россиядан чиқиб, қайтиб кириш орқали ўз миграция мақомини янгилаш ёки қолиш муддатини узайтириш мумкин, деб ўйлайди. Аммо бу нотўғри тушунча. Визасиз режимда Россияга кирганлар мамлакатда бир йил ичида энг кўпи билан 90 кун қолиши мумкин.

«Бундай шахслар ҳақидаги маълумотлар реестрга киритилади», — дейилади Миграция хизмати баёнотида.

ИИВ маълумотига кўра, хорижий фуқаро «Назорат қилинадиган шахслар реестри»га киритилгани ҳақидаги маълумот вазирликнинг расмий сайтида эълон қилинади. Мазкур реестр 2025 йил 5 февралдан ишга тушган бўлиб, унга Россия ҳудудида ноқонуний равишда бўлиб турган барча хорижликлар ва фуқаролиги бўлмаган шахслар киритилади.

Реестрга киритилган мигрантлар қатор давлат ва ижтимоий хизматлардан фойдаланиш ҳуқуқидан маҳрум этилади. Уларга қуйидагилар тақиқланади:

• никоҳни рўйхатдан ўтказиш ёки ажрашиш;
• болаларни боғча ёки таълим муассасаларига жойлаштириш;
• транспорт воситасини бошқариш;
• банк карталаридан фойдаланиш.(хорижлик Россияда 90 кун тура олади. У 90 кун тўлганда чиқиб, кейин қайта кирса, аввал бу вақт қайтадан нолдан ҳисобланарди — яъни янги 90 кун бошланарди.
  Энди эса ИИВ буни тақиқлади, яъни чиқиб-кирган билан муддат нолдан бошланмайди.